「億萬駙馬」伍富橋（Alvin）與富貴千金梁兆楹（Shirley）在2022年5月8日結婚，二人背負網民閒言閒語，依然愛得高調！Shirley在今年2月中曾發長文反擊網民，更霸氣地指：「佢（伍富橋）X得落佢本事，你恨唔X到咁多」。
日前，伍富橋在社交網貼出太太Shirley的兩張獨照，身穿灰色上衣現黑色Legging的Shirley做出「反V」的手勢，原來是模仿兩張大熱的小狗貼圖，伍富橋「唔怕死」地寫道：「0違和感 #伍富橋太太」，即是指太太與可愛小狗相似。
Shirley也似乎相當玩得，投入地扮演貼圖，或許互相作弄是二人之間的情趣吧？
Shirley要求眼腫老公做表情包
伍富橋也曾大爆老婆的「惡行」，事緣他在過新年期間偷食芝士蛋糕、蘿蔔致嚴重過敏，Shirley就要求他做表情包，「你依家畀一個兇狠嘅眼神我睇吓，哈哈…冇事冇事、你依家畀一個憂怨嘅眼神，哈哈……精神樣呢，咁最後好開心好開心係點樣？」
被太太取笑的伍富橋無奈地表示：「佢第一時間又係攞起部手機影咗相先，有冇良心呀你，我有一刻懷疑我老婆係咪真係愛我？」
億萬駙馬幸福娶到賢妻
伍富橋在去年參加「樂施毅行者2023」，他於社交平台撰文感謝愛妻出錢出力，他寫道：「平日我只能食海鮮、魚及雞，避免跑山時出現食物敏感，飲食方面更加要小心，老婆會為我度身設計，如日式咖喱雞肉飯，我當然非常感動。」
伍富橋稱單身前參與過100公里比賽，但今次有太太的照顧，分別差好大，他說：「因為每次Support Team食飯時都會見返自己嘅老婆，而且佢每次都準備晒所有食物及要更換嘅裝備，佢真係好辛苦嘅，出錢出力嚟支持都冇怨言，心入面好感激佢，娶到佢係好幸運。」
