「十優港姐」麥明詩（Louisa）與盛勁為（Keith）今日（24 日）舉行婚禮，同屬冠軍級港姐的馮盈盈着上低胸吊帶及露背裙現身，恭賀港姐師姐出嫁。為Louisa擔任婚宴姊妹共有4位，但只有馮盈盈及龐卓欣是圈中人，盈盈接受訪問時表示：「我會負責一個好重要嘅任務，就係主持開幕儀式，分別一對新人嘅愛情故事，但我唔係做司儀，亦都唔會表演。（有冇見到兄弟圑？）有，本身都認識嘅，但今朝冇接新娘同玩新郎嘅環節，呢個係我人生中第一次做姊妹，冇得玩新郎都可惜嘅，不過今晚有好多表演，有好多演出嘅歌手同單位嚟，同埋麥明詩擺咗好多心思布置呢個場，有公仔攤位同埋增設咗港姐嘅攤位。（你恨嫁嗎？）我承諾咗2年內唔會拍拖，所以我專注力放番喺麥明詩身上。」她又透露其中一位圈外人姊妹，是幾年前在倫敦和麥明詩拍節目時見過，現在再見面覺得好開心。」一對新人又排4男4位兄弟、姊妹合照及家人合照，場面溫馨、熱鬧。
而今年1月於美國滑雪時整傷大腿的麥大力撐住拐扙，擔任兄弟團，認真老友！提到受傷過程，他表示：「我喺空中飛身360度，落地嘅時候跌親，右面大腿右骨裂開咗，依家大腿裏面有鈦金屬支撐，應該要休息到4月底。」麥大力還指今晚他身負重任，因婚禮以90年代飛機作主題，他要模仿機師講話。如今好友結婚，問他與女友簡淑兒何時拉埋天窗，他笑言：「We’ll see，我哋都好開心。」
至於曾跟麥明詩主持節目《#後生仔傾吓偈》的鄭衍峰亦是兄弟團成員之一，鄭衍峰指新娘子事事追求完美，他今次來主要做打雜，全力協助對方，並笑言跟陸浩明（6號）一齊主持婚宴Opening，感覺猶如做無綫台慶一樣。
