在2021年參選港姐後加入《東張西望》做主持的陳懿德，日前在澳門採訪TVB選秀節目《亞洲超星團》總召集人Rain，不過該段訪問片段就引起網民熱議！事關陳懿德身穿一身性感晚裝，盡騷性感身材，不過對住一班練習生就包到冚..
陳懿德日前訪問韓流天王Rain的時候悉心打扮，身穿一身黑色tube dress，盡曬性感身材。陳懿德事後都有在社交平台分享與Rain做訪問的感想：「成就解鎖，同Rain坐低做個小訪問。還記得錄影的第一天，工作人員攞住一袋二袋入嚟休息室，原來係Rain老師買比大家的，聽講係好hit嘅bagel店，有禮貌嘅小德德 梗係好想同佢講聲多謝啦。不過佢嘅保衛森嚴 ，所以都係唔好打攪人了，結果就係洗手間門口洗手嘅時候，遇上了，然後我用盡大學時期學到嘅所有韓文，同佢講多謝！」
陳懿德對住Rain就打扮性感，不過對住一班練習生就打扮得非常密實，身穿牛仔長袖外套包到冚，令到不少網民都留言笑指陳懿德「大細超」：「大細超啊喂！」、「點解練習生就包到咁實」、「Rain面前就有少布」等等。
陳懿德在2021年參選港姐，在落選後加入《東張西望》成為「東張女神」之一。前年，陳懿德邀請一班圈中好友在聖誕佳節於元朗豪宅慶祝。陳懿德在社交平台上大曬當日派對大合照，並且寫道：「這陣子，我識咗一班好好嘅人，我入行嘅時候一直都好想有個咁嘅gathering大家一齊玩，終於然後見到大家玩得開心，我就真係好滿足了，好開心識到你哋每一個，真的希望我哋大家都愈嚟愈好🥰Merry Christmas 。」
文章版權為新傳媒集團所擁有，原文請按： 网页链接
