藝人張致恒（Steven）與太太區燕雯（雯雯）4年抱4，婚後卻頻頻出現經濟問題，在社交網站伸手向網民攞錢。而張致恒反擊稱有兩份工，但因照顧小朋友無法外出，迫不得已才出此下策。
張致恒表示，自己因為要湊四個仔，所以出唔到門口返工，但承諾安頓好後就會還錢。
近日有網民發文稱在超市見到張致恒。相中張致恒獨自行超市，並用自助收銀機埋單。張致恒背影又高又大隻，相當引人注目。
有網民留言表示：「無錢開飯都食到肥C大隻」、「未偷拍佢，一陣佢發現左（咗），要你買單就死」。有網民為張致恒講說話，稱張致恒都有難處，肥亦不代表營養好，「又冇必要講到咁盡嘅，又唔係同佢過人世，何必講嘢咁mean，家家有本難念的經，傳媒放大事件，老婆又唔理解不斷數臭佢，當然佢都有唔爭氣，但講真身邊一個貴人都冇，條路越行越宅，你估佢唔煩㗎 凡事留一線日後好相見，講嘢唔好咁盡，肥又唔一定營養到位，瘦人亦都唔係營養不良呀」，獲大批網友讚好。
