ViuTV日前宣布將舉辦《美麗40路》（暫名）選美真人騷，並搵來41歲童顏女神孫慧雪擔任主持人，而參加者年齡需介乎35至50歲之間，引起不少網民熱烈討論，仲列舉出9位「35+女神」，力推她們去參選！
ViuTV在官方社交網宣布由即日起至3月8日，公開徵召年齡介乎35至50歲的輕熟女參加《美麗40路》，更講明不限已婚定單身：「只要你係年齡介乎35至50歲嘅女性，無論單身、已婚，或者係充滿愛心嘅母親，都歡迎參賽報名。」
現年41歲的孫慧雪其後亦在IG發布了一段為《美麗40路》拍攝的宣傳片，表示：「作為一位做咗媽咪嘅成熟女性，我覺得無論係身形或者樣貌，都可以Keep得好好，不過最重要呢，都係要有良好嘅心理素質，同埋豐富嘅社會經驗，既然咁好條件，仲唔快啲嚟參加？」
網民都紛紛大讚ViuTV搵孫慧雪做主持好識揀，亦有網民提議搵40歲鄧麗欣（Stephy）做主持，仲有搵46歲謝安琪及44歲官恩娜等「40路女神」做嘉賓。
而參賽者方面，有不少網民都點名練美娟（娟姐）去參賽，不過娟姐其實上月才剛踏入34歲，「未夠秤」參選。
此外網民推介出9位「35+女神」，其中有前亞視一姐薛影儀，仲有被封為「中女天花板」的COLLAR成員芯駖：
1）39歲 薛影儀人氣不減 阿儀曾經係亞視一姐，在2021年透過參加亞姐選美入行，近日她踩入遊戲界做AI戀愛角色，仲令遊戲上埋App Store 休閒遊戲排名第1位，可見人氣依然勁高，不少網民都召喚阿儀去報名參加今次ViuTV的《美麗40路》！
2）37歲 芯駖@COLLAR跳得又睇得
芯駖跳得又睇得，由2021年年參加《全民造星4》開始已被封為「中女天花板」，更打破年齡界限加入女團，成為COLLAR成員，有網民更猜測《美麗40路》節目名叫40路，但參賽者年齡由35歲起，就是想預埋芯駖一齊參賽！
3）48歲 杜如風 成40路代表
杜如風仲未過50歲仍有參賽資格，一向被稱為「世界級港女」的她，更被網民力推做「40路代表」，話：「識食梗係食杜如風！」
文章版權為新傳媒集團所擁有，原文請按： 网页链接
