TVB的綜藝節目《亞洲超星團》已經播出接近尾聲，前日（17日）播出第三次公演，當中丁子朗與香港區的7名代表區珀豪、冼靖峰、張鎬濂、文佐匡、黃星綽、余宗遙及方玉亨組隊表演《初戀》這個舞台。丁子朗在第三次公演中邀請現場觀眾一同經歷「初戀」，最後更大曬演技在獨白時流出眼淚，他更被Rain大讚怎樣找準時機把眼淚掉下來，而丁子朗則笑稱要：「要多多練習，或者是多分幾次手，就可以哭得出來！」雖然最後他們一隊在公演時輸掉了，但仍然得到不少的掌聲。
昨日（18日）TVB舉行賽馬日，不少的高層曾志偉、樂易玲及許濤等人亦有到場，而丁子朗亦有與30多位藝員齊齊現身賽馬日活動。丁子朗接受《香港01》訪問就表示當時很緊張：「其實好緊張，因為平時拍戲都可以有時間畀我培養到情緒，但係要一路跳舞一路唱歌一路講對白咁樣培養情緒，對我嚟講就真係好高難度。我自己都好緊張，因為我哋之前rehearsal嘅時候，個cam都係得2秒時間畀我去做呢件事，咁所以我內心都好顫抖！但好彩最後都好順利咁，嗰一刻exactly嗰一秒就滴咗滴眼淚出嚟！」最後丁子朗都超額完成了這個挑戰，亦得到不少的讚賞。
而丁子朗在表演過後，網民都大讚他的演技自然到位，他亦有留意到網上的評語：「我見到網甘嘅feedback都好好啦，好多謝大家會鍾意呢個舞台，因為呢個舞台我覺得對自己嚟講，對我哋成隊HOOK嘅香港團隊嚟講好緊要，所以得到大家鍾意同欣賞，我好開心同埋好戥我哋成隊人開心。」
有不少網民就覺得今次公演一隊名額就只有8個人，未能把黃奕斌也加進來一起表演，他被問到會否覺得可惜時，他則說：「其實唔可惜㗎我覺得，因為每一隊得8個名額，而我係最後一個揀嘅，其實我都擔心死啦，如果大Hugo入咗去我哋初戀嘅話，咁我咪冇位要去其他組囉！」丁子朗透露最後原來是黃奕斌把這個位置讓給他，他才可以留在《初戀》一組。
《初戀》這個舞台被大讚分工很仔細，不同的人在舞台上都可以表現出自己最專長的方面，例如：冼靖峰及余宗遙曬唱功，張鎬濂、方玉亨及黃星綽則曬舞技，而區珀豪及文佐匡則曬rap功，而丁子朗則曬演技。丁子朗被問到他們是自己分工還是由他這個隊長來分時，他說：「其實今次分工係我哋幾個自己喺度諗出嚟嘅，我哋仲好誇張咁做咗個ppt啦，做咗份簡介畀我哋個舞台總監同佢講我哋要咩道具，我哋服飾係咩。基本上每一part我哋都諗得好清楚，係節目畀我哋做，我哋諗得咁detail，佢話畀我哋做，我哋就可以叫才藝老師批buget畀我哋做啦。」
丁子朗亦提到這個舞台的每一分每一秒都是他們8個人的精心設計：「就算後面個道具點解咁設計啦，幾大啦，點解有個心啦，會唔會分開啦，咩顏色啦，啲燈光係咩樣，怎至我哋嘅衫點解紅色同藍色啦，都係我哋自己諗出嚟！所以我覺得好開心，我哋想將每個人嘅特徵都show出嚟！」雖然他們表演的舞台最後落敗，但仍然得到不少人的讚賞。
至於也有不少網民希望知道丁子朗在舞台曬演技而流下眼淚時，是在想什麼，雖然當時他回應Rain時是說多分幾次手就可以，他卻說：「因為喺拍劇嘅時候，都經歷咗好多次分手，每一次都係個機會畀自己去練習傷心慾絕呢個感覺。可能喊多咗打通呢個任督二脈呢，就好容易喊出嚟，咁呢係容易嘅，但係未至於可以去到控制嗰一秒，咁所以我都覺得係一個miracle嚟。」
