J2節目《玲玲友情報》前晚（14日）一集主題為「情人節唔係咁樣過」，搵嚟導演葉念琛做嘉賓，仲大方分享追女秘技出Pool，引來其他主持驚嘆！
嘉賓葉念琛導演在節目中分享了他對愛情的看法，他認為外表英俊的男性並不一定桃花運旺盛，反而可能因為自戀而失去機會︰「靚仔唔一定桃花旺，反而佢哋太孤芳自賞。」節目中他受不了行仔盲頭烏蠅的追女仔方式，面授行仔追女秘技︰ 「你唔好成日問人食咗飯喇，係打唔開話題。你直接send『我愛你』，跟住話『send錯，不過都係真嘅』。
嚇一嚇佢，睇下乜嘢反應，或者佢都等緊你呢。」行仔事後接受訪問時表示未有使用對象，他講笑話︰「或者send『我愛你』畀導演，睇下下次有冇演出機會。」 他提到情人節一般都是跟家人一起過，當日各人都外出，他說︰「所以情人節為咗有啲活動，專登出門口一個人食咗個三人炸雞餐，其實都幾正㗎。」
前晚（14日）情人節撞正年初五，玲玲師傅接受訪問時提到，每逢大節會比閒日還要忙。情人節當日是一班人吃晚飯度過，她笑說︰「新年嗰幾日都喺澳門做嘢，情人節嗰日專登返香港，主要係同內地歌手張哲瀚一班朋友聚聚，老公都有一齊。星期五佢喺Expo會有演唱會。」玲玲師傅笑言拍拖時期，都有收過老公的花，現在已是「老夫老妻」已不興這一套，她笑說︰「情人節晚飯不嬲都係我張羅，你知老公係IT人咪搞啲程式，你一撳手機就彈啲花花心心出嚟。」講到既浪漫又搞笑一次，是多年前老公錄了一餅卡式帶到沙灘聽，玲玲師傅笑說︰「啲歌聽落好怪，我仲問佢你買翻版呀，原來係老公自己唱。」玲玲師傅自言當場交足戲給老公，表示非常欣賞。
Jojo則提出了追求女孩的三大要點，她認為只要具備以下其中兩項，追女孩就幾乎無往不利：錢、口才、自信，她強調，即使不是靚仔，只要有自信和口才，勇敢地接近女孩，就能贏得她們的心。玲玲師傅和葉念琛都認同，女孩子更喜歡幽默、搞笑的男生，而不是只有外表和財富的男生。追求愛情的道路充滿了甜蜜與苦澀，但在《玲玲友情報》的分享下，我們看到了愛情的多種面貌。無論是玲玲師傅的溫馨回憶，還是葉念琛與Jojo的實用建議，都讓我們對愛情有了更深的理解。
文章版權為新傳媒集團所擁有，原文請按： 网页链接
