「聲夢人氣王」炎明熹（Gigi）…

「聲夢人氣王」炎明熹（Gigi）近年人氣高企，不過以往貼身照顧她的姑丈亦深受歡迎，除了粉絲喜歡他，估不到連麥美恩（Mayanne）為着迷！日前Mayanne為大年初一花車匯演任司儀，完騷後見姑丈孭住隻巨形恐龍公仔表情趣怪，即忍不住上前合照，還熱情熱攬住對方，不過姑丈就非常君子，雙手放下未有「回禮」，在旁的Gigi見狀亦加入戰團，擺出睇到眼凸表情。
事後Mayanne更把照片上載社交網，並留言:「龍年第一擊，姑丈真係好正，多謝Gigi畀機會我合照，隻公仔係咁樣帶番屋企嘅，新年真係學到嘢。」Gigi亦有附和指構圖相當搞笑。Mayanne受訪時表示：「喺後台見到姑丈同佢打招呼，因為佢孭住隻奶龍好得意，用呢個方法其實都幾work，但我係第一次見，跟住問佢可唔可以合照，佢又好配合攏晒甫士，最好笑係我問Gigi可唔可以企喺隔離做個表情，佢又好配合。」於新春期間工作不斷的她，寄望龍年繼續長做長有。