吳業坤（坤哥）和周吉佩（吉吉）今日（12/2）年初三現身沙田馬場出席《農曆新年賽馬日》。過多兩日，便是情人節，坤哥透露準備為愛妻送上情人節禮物：「今次我就準備咗一樣又有情趣又實用嘅唇膏，主要係喺每日起身嘅時候用嘅，潤一潤個唇仔之後，錫返佢一啖，其實咁樣都幾溫馨㗎。」至於吉吉就話會送實用的禮物給太太：「其實我同太太都好似老夫老妻咁，就冇坤哥咁冇情趣啦，變咗我都主要係送啲實用嘅禮物畀佢。同埋我都好希望情人節可以同佢出去食餐飯，過吓二人世界，浪漫一下。」
被問到今年會否準備造人？坤哥笑言還未有心理準備，希望專注在事業之上。旁邊的吉吉就向坤哥分享生B心得：「其實想一擊即中，就要留意女方嘅排卵期，然後爭取呢啲時間，咁就會容易啲懷孕。」坤哥接著說：「我會記住，第時有用嘅時候，我就會用，多謝你吉吉！」
