近年轉戰內地發展的林峯，去年7月加入新唱片公司，近日一連推出2首粵語歌，正式回歸香港樂壇。近日林峯接受訪問首度剖白自己於15年前奪「亞太區最受歡迎香港男歌星」時的真實感受，當年被外界鬧到爆的他，當時奪獎後曾一度呆站於後台2分鐘，不少網民睇完之後都紛紛留言支持林峯：「其實佢有實力，但真係畀人捧死！」
44歲的林峯日前接受DJ艾力的YouTube頻道訪問，DJ艾力在訪問中指留意到近年有些人氣歌手年紀輕輕已經拿到歌唱大獎，並指出「太早拿大獎係唔係件好事」。林峯聽畢後，即刻大笑指DJ艾力問啱人，並即場剖白自己於2009年奪得「亞太區最受歡迎香港男歌星」的真實感受： 其實宣佈之後，我望到好多同期嘅歌手，佢哋都用眼神畀嗰動力我『上去，攞咗先！』跟住我嗰心稍微得到少少勇氣去接嗰獎。因為完咗之後，你仲要去後台見記者訪問，一定好多問題啦。我就企喺嗰舞台後面，企咗喺到2分鐘。我要令我嗰心定番，準備好我要面對嘅問題。我先行出去。
2009年的林峯，已經先後推出過多首經典人氣歌曲作品，例如《愛在記憶中找你》和《愛不疚》等等，雖然有實力領獎，但他卻遇上無數難堪問題，現時回想起，就覺得一切都已成過去，再沒有什麼大不了： （有冇遇到難堪嘅問題？）大把啦。不過冇所謂啦，呢啲都係經歷嚟嘅。其實冇嘅，我覺得你人生中遇到嘅所有嘢，你都係賺咗。無論你遇到咩人，發生咗咩事，一切都係你嘅經歷、養份，都係你將來認真繼續努力下去，你成功嘅其中一個步驟。
網民聽到林峯剖白奪「亞太男」的真實感受之後，都紛紛留言力撐。有網民指其實林峯當年算有實力，但可惜被TVB「捧死」，希望新一代能夠認識新風格的林峯：「當年我都係因為大台嘅捧殺而覺得『佢憑咩攞亞太』，但人大咗，加上而家咁多新歌手爆紅，聽番當年嘅歌發覺林峯係有『真。實力』，係真正被underrated嘅香港歌手」、「只能講當年係香港人走寶」、「幫主持講埋唔出得街嗰句：『樂壇欠林峯一個交代，因為連姜濤咁嘅款都可以攞最受歡迎男歌手』」、「10年前好多人都因為某台而對佢有偏見，希望呢一代嘅人可以真正認識到林峯嘅作品」等等。
文章版權為新傳媒集團所擁有，原文請按： 网页链接
