藝人魏浚笙（Jeffrey）演而優則唱，努力了近1年昨晚（30日）終於新城頒獎禮上，獲得「勁爆人氣偶像」，宣布得獎時他緊張到「跌嘢」，又掏出大大張「貓紙」講感言，充滿喜感！談到得獎好意頭，算是個好開始，他不諱言：「都真係好開心，同埋講感言都真係好緊張，所以要準備晒紙仔。（真係好大張貓紙喎。）我都諗住show畀大家睇嘅，費事講漏嘢，寫得大隻啲字睇得清楚啲。（真係講晒想講嘅嘢？）盡咗力喇，應該講晒，同埋要多謝一直幫過我嘅人。（嚟緊嘅其他頒獎禮，加強咗信心成『新人王』？）呢啲隨心啦，不過今年推出咗5隻歌都好滿意，明年會繼續，但唔再拍咁多MV喇，真係好貴，寧願留多啲錢做歌。」
他又指昨晚首度在「大場」表演，以及首次試用「地Mon」（即地下兩個喇叭聽聲，且棄用耳機）：「對自己嘅信心大咗少少，不過如果要開演唱會嘅話，就真係要再累積多啲唔同嘅表演經驗先得。其實每次做騷狀態都唔同，有時會對自己冇信心，狀態仲係未好穩定，要再努力。」
藝人魏浚笙（Jeffrey）…
