張致恒（Steven）與太太區燕雯（雯雯）結婚4年，先後誕下四個兒子，兩人婚後不時傳出冇錢及婚變消息，雯雯N次在社交平台嗌離婚，更公開指責老公冇盡父親本份，被網民取笑為「離婚KOL」。昨日（28日）雯雯繼冬至疑無家可歸後，再度於Instagram投訴有人噪音滋擾，打擾她與兒子作息。
雯雯在IG Story以黑底白字投訴有人影響屋企生活：「而家唔係支唔支持香港電影嘅問題，而係你直接影響到我屋企嘅生活。完全唔會考慮BB同小朋友要休息，尋晚差唔多搞到3點，而家11點又嘈。我個仔已經話咩聲好驚，又成日嘈醒兩個細嘅。其實有冇考慮過我哋喺度住緊！」
她又指與對方講了很多次仍沒有改善：「同你講幾多次個問題都係一樣喺度！如果再喺咁，唯有報警。」有不少網友猜雯雯投訴的對象，很大機會是同屋的老公張致恒，不過亦有人指可能是鄰居看電影聲量太大：「可能佢樓下嗰層有人開電視睇電影，音量太大聲掛」、「或者住山窿會唔會靜啲？」，亦有人暗嘲：「佢講呢番說話嘅時候交咗租未？」約數小時後，雯雯將IG Story刪除。
