視后李佳芯（Ali）所參演的無綫劇集收視向來有保證，演技出眾有目共睹，深受觀眾及廣后告客戶喜愛。不過近年盛傳被TVB雪藏工作量大減，早前她亮相無綫台慶，再被內地平台直接打格遮樣，網民都為她心痛，大家都非常期待李佳芯可以在劇集中演出。
而事後TVB助理總經理（藝員管理及發展）樂易玲出席TVB「長期服務暨傑出員工榮譽大獎頒獎典禮」，開腔回應Ali台慶的打格事件，更強調TVB一直很愛錫Ali，相信她很多事情都會明白的，當時樂易玲還說李佳芯合約「仲有好長」，但今日有突破性發展⋯⋯
今日（15/12）Ali現身荃灣出席活動時，接受《香港01》訪問表示：「其實事後我都知自己被遮住咗個樣，但自己就冇去問。（有冇唔開心？）咁又冇，因為呢方面我係有抗體。但我只可以講做好自己，其他嘅事就交畀上天去處理，自己都明。（樂小姐開腔回應話你會明白！）我明嘅。我明白咩⋯不過我不嬲都交畀上天，只做好自己本份就算。（同公司合約係點？）其實我仲有段短時間嘅，或者再溝通吓先，因為公司都有搵我傾約嘅，但暫時就未有一個共識咁樣。」
