無綫熱播劇《新聞女王》，以新聞部內鬥為題材，成為近日的城中熱話。縱然有觀眾嘲諷劇情超離地，但確實認真便輸了！
不過，劇中由多位靚女飾演主播和記者，這個就肯定是無綫新聞部的事實；尤其是身材好的主播比比皆是，譬如：之前報道天氣非常跳脫的黃婉曼，以及前財經資訊台的主播溫蕎菲，都被網民捧為「女神」。由於新聞從業員有特定的裝束、規矩及禁忌，兩位「女神」離巢後，都可以做番自己，還不時在社交網派「福利照」，令粉絲大飽眼福。
出生於江西贛州、畢業於香港城市大學的溫蕎菲（Chelsea），於2015年加入無綫新聞部，在財經資訊台擔任主播及報道天氣。當年，她因穿上旗袍報道天氣，而成為一時佳話。於2022年初，她宣布離巢，現時負責上市衍生權證的設計發行及市場推廣。
身材驕人的Chelsea，向來毫不吝嗇，離開大台後，更加釋放自己，經常向網民大派「福利照」。她透露，公司亦對女主播有嚴格規管，要保持形象，絕對不能穿得暴露；另外，在社交平台的衣着亦嚴禁太性感。她直說：「服裝唔可以暴露，因為我係代表公司形象，亦都唔可以做出有損公眾人物嘅負面行為，言行舉止都需要小心，特別喺社交媒體發言，更加要非常謹慎。喺工作上，報道要不偏不倚，唔可以夾雜主觀色彩去報道新聞，要做到客觀中立。當時，我亦唔可以接受任何商品贊助，其實都好多規矩。」
由於，Chelsea着得密實也非常惹火，所以都曾遭遇言語上的性騷擾，她坦言：「新聞台咁正經嘅地方，佢哋又唔會夾硬嚟嘅，不過我就收過好多次唔同嘅暗示囉，過咗去都唔想再提啦！」
雖然已經離開了主播崗位，但是收看《新聞女王》時，還是會令她勾起無限回憶，她娓娓道出：「我好欣賞套劇集裏面嘅演員，演繹到新聞從業員嗰一份自信，佢哋為咗捍衛自己嘅信念，同埋為咗真相赴湯蹈火嘅精神，我一路睇，就一路喚醒自己內心對主播事業嘅熱情。」
她續說：「當然成套戲有不少唔真實嘅地方，個個勾心鬥角、講數多過做嘢；另外，佢哋大部分嘅直播都做到好趕急，人手好似好多咁樣。其實TVB嘅新聞部，每一節報道，台前幕後做嘢嘅人加埋都係得3至4個人，大家互相配合團隊，做好一場直播，如果真係好似套劇咁樣，成日勾心鬥角，真係唔使做啦！」
