關楚耀與蔡潔在中環出席活動，最近成為人夫的關楚耀直言感到好開心、好幸福，他說：「結咗婚之後嗰個禮拜，每朝起身都問老婆，我哋係咪真係結咗婚，感覺好夢幻。」他指與太太已經拍拖五六年，加上之前一起生活，婚後沒有感到不習慣，感覺更美滿、更有衝勁。問到會否有衝勁造人？他直言希望盡快做老竇：「妹妹最近生咗個仔，每星期都會去探佢哋，對住BB感覺好開心。」他又稱可以趁機實習湊仔，原來湊仔相當攰，要好好做gym練定麒麟臂，希望將來能有一仔一女。他笑又稱老婆與媽媽經常講電話，更會講他的壞話，想信沒有婆媳煩惱。
蔡潔最近在內地拍攝無綫劇集《法證先鋒6倖存者的救贖》，她指戲中有與關楚耀延續上集的感情線，兩人的戲份比上一輯更癲狂，拍攝需要更多的力氣，相當攰，她說：「同佢係一段極致嘅感情，心理上好難拿捏，佢嘅角色比之前更加恐怖，令到我嘅壓力都大好多，但係戲外佢就好幸福。」問到她可有拍拖，會否希望像關楚耀一樣幸福？她笑說：「幸福個個都想要，我都想知幾時，拍晒套劇先再講。」
