第56屆《萬千星輝賀台慶》今晚在電視城舉行，今年台慶表演當然不乏花生位。以下就為大家直擊今年台慶各大花生！
花生1：劉德華錄30秒賀詞當嘉賓
今年TVB在台慶夜前高調宣傳將會有多位重量級嘉賓驚喜亮相台慶舞台。無綫官方頻道更上傳其中一位天王級嘉賓的剪影，指該位嘉賓會驚喜現身Opening，大談在無綫的成長故事！今晚一開場就有第十屆藝員訓練班出身的「天王」劉德華出現在大熒幕，為TVB台慶送上賀詞，再開金口清唱左《影帝無用》幾句歌詞，全段賀詞片段只有30秒，令網民們都表示非常失望。
花生2：《東張西望》女神化身Barbie最吸睛
一開場除了有多位上位小花小生、港姐們又跳舞又玩武術，但都唔夠一班《東張西望》女神化身Barbie咁吸睛。成班《東張西望》女神每位都穿上粉色性感晚裝，大跳名曲《Barbie Girl》。雖然女神們跳舞就唔太叻，但勝在服裝夠性感又吸睛，獲網民一致好評。
花生3：李佳芯靠邊企 網民：Ali真係冇曬地位
外界曾經多次傳出李佳芯近年被TVB雪藏，就連今晚台慶都無份出席。不過Ali今晚就一一身全白碎花長裙驚喜現身，粉碎無份出席台慶的傳聞。雖然係有份現身台慶，但有眼尖的網民發現貴為視后的Ali竟然在開場時要靠邊企，相反近日在《香港人在北京》首次擔正的吳若希仲企得簽過Ali。網民都紛紛留言戥Ali感到不值：「Ali真係冇曬地位」、「連吳若希都企得中間過佢」、「有得出席當贏」等。
花生4：郭栢妍緊身瑜伽服上陣險走光
今年台慶另一焦點，一定就係郭栢妍以一身緊身瑜伽服上陣表演空中瑜伽。只練習了幾日嘅郭栢妍非常有料到，喺空中自轉多圈，做出多個高難度動作，睇到觀眾們都大拍手掌。不過郭栢妍在空中倒轉期間差點走光，要佢伸手扯衫遮擋，場面非常牙煙！
文章版權為新傳媒集團所擁有，原文請按： 网页链接
