《 萬千星輝賀台慶2023》TVB 56周年台慶 即將在11月19日舉行。去年台慶有「天王」郭富城 ，率領超過50位專業舞蹈藝員，勁爆壓軸登場，睇到在場嘉賓和電視機前的觀眾都High到爆！大家都非常關注今年到底會請邊位重量級嘉賓，有網民於社交平台開帖集思廣益，一人推薦一個今年最想睇到嘅TVB台慶嘉賓人選。
TVB台慶嘉賓人選｜1. 尹光
近日憑「AI尹光」紅到開紅館演唱會的尹光，不少網民都指希望能夠在台慶看到光B擔任壓軸嘉賓。大家都推薦尹光可以上台唱《少理阿爸》、《一人之鏡》、《Dear My Friend, 》，更有網民建議尹光可以連同修哥胡楓一起上台表演，夠曬睇頭！
TVB台慶嘉賓人選｜2. Rain鄭智薰
有網民留言指認為今年會請「韓國天王」Rain鄭智薰！原本Rain同TVB好似大欖都扯唔埋，但近日TVB就宣佈即將播出的男團選秀節目《亞洲超星團》將會邀請到Rain擔任「超星總製作人」。假如今次台慶邀請到Rain壓軸表演，不但可以拉高收視，又能宣傳新節目《亞洲超星團》，一舉兩得，似乎都唔係完全冇可能！
TVB台慶嘉賓人選｜3. 劉德華
去年有「四大天王」之一的郭富城擔任嘉賓，不少網民都建議今年可以請另一天王劉德華壓軸出場。1984年第三期舞蹈員訓練班出身的郭富城去年在台上親自多謝每一位訓練班的元老，同為TVB藝員訓練班出身的劉德華，唔知今年會否重回無綫大開金口獻唱幾曲呢？
TVB台慶嘉賓人選｜4. 梁朝偉
自從曾志偉上場後，多位無綫出身的殿堂級演員和歌手都會回娘家表演。有網民就建議今年可以邀請第11期藝員訓練班出身的影帝梁朝偉擔任壓軸表演嘉賓，演唱其首本名曲《朦朧夜雨裡》。
文章版權為新傳媒集團所擁有，原文請按： 网页链接
