藝人湯怡上月剛度過36歲生日，但只跟老公麥秋成和女兒「麥QQ」食飯慶祝，又自爆收到老公送的手機作禮物，她說：「佢成日要搵我，但我上年都送咗部手機畀佢，佢成日得單剔收唔到。（裝個追蹤功能？）咁又唔會，我哋都互相信任，而且我都唔鍾意畀人追蹤住啦！」
提到舊愛洪卓立宣布跟拍拖年半的女朋友劉沛蘅（Hillary）分手，湯怡直言有看到報道，亦戥二人分手感到可惜，她指：「祝福佢哋都搵到快樂，我都有Send訊息慰問佢（洪卓立），佢覆我多謝關心。」有傳洪卓立因爛賭被分手，湯怡即說：「佢唔賭錢㗎喎，但都要問番佢本人，我都唔清楚。」可會介紹女仔畀佢認識？「唔好喇，等佢自己去認識啦，咁先知同自己夾唔夾，同埋我身邊朋友佢都識。」
