《莎莎婦女銀袋日2023》今（5日）在沙田馬場隆重舉行，應屆港姐冠軍莊子璇（Hilary)、亞軍王怡然（Lynn)及郭佩文（juliana)應邀出席，三人盛裝打扮高貴又性感，相當漂亮。
自當選後Lynn就遭踢爆其父母經營補習社倒閉後欠債千萬走佬，又被指其是雙面人等一連串負面新聞，及後出席公開活動時，情緒失控一度落淚，之後又拒絕媒體訪問，甚至缺席港姐領獎活動。而自9月份出席公開活動後，是次其相隔近兩個月後再度出席公開活動，不過依然拒絕做訪問，似乎還未準備好回應負面新聞。
而在接受訪問時，問到Hilary同juliana好久沒有與Lynn一同出席活動，現時感受如何時，Hilary就表示：「係呀！都好耐冇見到佢。（有冇問候佢心情平復翻未？）大家都係普通傾偈。」而在旁的juliana則揚言：「大家都係普通傾偈，唔使咁刻意。」續問到大家私底下有沒有關心對方時，juliana就直言：「間唔中都會有嘅，因為都係朋友呀嘛。」 而Hilary就表示：「傾吓偈，唔係特別有咩話題，閒話家常。」又揚言剛剛大家在車上時已閒聊一番。
而對於獲邀出席馬圈盛事，她們二人都大表開心，juliana表示：「非常之開心，因為見到大家都打扮得好靚出席呢個特別日子，好開心。」 Hilary在旁表示：「同埋我哋第一次嚟馬場，一嚟見到咁大個園地，同埋大家都咁靚都好期待今日個活動。」
另外，提到juliana落選後已極速獲得公司安排拍劇，與黃宗澤，蔡潔等合作《法證先鋒6》，問到首次拍劇是不是很緊張，她就表示：「係會有少少，因為驚拖大家後腿。（事前有冇訓練？）其實都未有，我相信如果拍得多都會斷練到自己呢個能力。（開工未？）開咗，拍緊，（同黃宗澤對戲未？）有呀，（覺得佢點靚唔靚仔？）靚仔 （有冇感情戲？）沒有感情戲。」揚言希望不要NG太多次就好。
而不少網民眼見juliana的外型與高海寧相似，不時將她們作出比較，甚至留言直指她比高海寧漂亮，對此聽到網民這些評論有何想法時，她率先感到驚訝表示：「冇冇冇，唔得唔得，女神嚟㗎嘛，唔好同佢比。」
