早前JPEX案鬧得滿城風雨，前大律師林作同屬被捕之一。而林作女友裕美卻對他不離不棄，又多次表達對男友的信任，更獲網民封為「最佳女友」！適逢早前是二人拍拖5周年的日子，林作亦有於社交平台上分享慶祝照，但是女友裕美準備的蛋糕視乎有所暗示，引起網民熱議！
從林作分享在社交平台上的照片可見，裕美親自為他準備了燒豬造型的蛋糕，旁邊更寫上：「5週年你就坐監」的字句，疑似暗示林作或會被控告。而林作見到蛋糕後未見露出笑容，未知是否不滿裕美的「祝福」。而網民則留言鬧爆林作：「祝願望成真」、「洗乾淨八月十五啦」、「未判之前15、16，條女咁講坐硬了」，但亦有網民表示：「深信你唔洗坐監！就算要，都好短時間，好多藝員和名人都坐過啦！」、「仲笑得出係咪無事？作爺振作呀！」，態度十分兩極！
昨日二人外出食飯慶祝，林作拍片說︰「我同我女人五周年慶祝，有咩感覺？佢30歲同我一齊，依家佢35歲。」裕美嘆了口氣，再說道：「咁就被你呃咗五年青春。」林作再上載一條自拍片說：「趁美美去廁所，我好坦誠分享同佢一齊五年嘅經歷同反思，我係好後悔嘅。」片尾還可以見到裕美啤住林作。
林作昨日亦於IG post出一張圖片，指七師傅批自己一定不會坐監，為自己打強心針。印網民紛紛留言：「睇嚟林作都驚自己坐監」、「唔好妄想喇，剪定頭髮啦」、「你想拆七師傅招牌？」、「七師傅看起來像法官嗎」，狠批林作簡直就是妄想！ 「今晚見到七師傅，她說我不會坐監，並一定會應驗。 以此為證，我信七師傅。一向好準。」
文章版權為新傳媒集團所擁有，原文請按： 网页链接
