陳茵媺（Aimee）昨晚現身電視城錄影《獎門人台慶感謝祭》錄影，她接受訪問時透露自己是第二次參加綜藝節目，事前雖然有同老公陳豪請教，但都預計自己會濕身收場，所以十分緊張。
最近頻頻四出為劇集《羅密歐與祝英台》宣傳，陳茵媺表示有因而收到仔女投訴。「佢哋有話我成日唔喺屋企，始終做宣傳前我要準備，而佢哋又可能返緊學。」她表示無意減少幕前，但希望取得平衡點，她認為小朋友開始長大，自己係時候完成夢想，特別是《羅密歐》令她愈拍愈有戲癮，所以想挑戰更多角色。問到如果自己拍攝時，老公會否暫轉做煮夫，她說：「我哋不嬲都想咁，佢好支持我返出嚟拍劇，不過都好肯定我哋唔可以拍同一套劇，因為如果屋企有咩事，我哋會兼顧唔到，所以《羅密歐》可能係第一套亦係最後一套。」
