郭柏妍與丁子朗這對緋聞男女日前在TVB節目巡禮活動上，為劇集《奪命提示》合體受訪，期間TVB娛樂台亦有訪問二人，更特別問到郭柏妍甜笑收花及與丁子朗分手的傳聞，二人雖然一一回應，但就表現尷尬，最後郭柏妍更以4字來總結二人關係！
TVB節目巡禮當日，TVB娛樂台主播鞏姿希訪問郭柏妍與丁子朗這對緋聞男女，並追問郭柏妍早前甜笑收花及與丁子朗分手的傳聞，郭柏妍先解釋收花一事，指這只是一個美麗的誤會：「其實紮花係我送畀一個女仔朋友嘅，我係順便攞住嚟影相啫！」間接否認有新戀情。
而鞏姿希問到網民都想知郭柏妍和丁子朗係咪已經分開咗，即係分咗手？丁子朗就搶答：「地區上（分開）？因為我喺上海囉，跟住我終於返嚟TVB呢個屋企啦，又返到嚟香港啦！」答案可說答非所問，意圖「遊花園」迴避問題。
身旁的郭柏妍初頭接口話：「係啦，地區上。」但最後仍忍不住開口說：「咁我哋本身都係公司嘅同事，好難講點樣分唔分開。」直接將緋聞男友「降呢」為公司同事。
另外有記者問到兩人分隔兩地多月，有否掛念對方？郭柏妍只尷尬地哈哈笑兩聲，而丁子朗則強調兩人保持正常朋友、同事關係：「冇疏遠，去上海拍攝前後分別唔大！」又指自己最近都係對住65個男學員，冇機會去識內地女仔。
訪問中丁子朗又大談參加選秀節目《亞洲超星團》的感受，直言參賽的確辛苦：「但係呢個experience喺香港未必做得到，所以對我嚟講真係大開眼界，同埋見到世界各地唔同嘅勁人，有嚟自內地、日本、韓國、泰國、越南、美國嘅偶像練習生，覺得自己點解喺嗰度？」
丁子朗笑言今次是他首度以全新形象返公司：「好開心，好似新人咁，大家都要望一望你係邊個，我就可以重新介紹自己：我係新人丁子朗，依度最fresh係我啦！」而郭柏妍指之前已見過丁子朗的新造型相，所以都認得出他，又指若劇集或綜藝節目有需要，她也願意嘗試新形象。
文章版權為新傳媒集團所擁有，原文請按： 网页链接
