「唱作王子」馮允謙（Jay Fung）推出新歌《給你幸福 所以幸福》，MV除咗驚喜請得麥明詩擔任女主角之外，更邀得同門蔡穎恩（Evelyn）和林皓霆（Charles）出演，佢哋戴着價值200幾萬嘅珠寶首飾進行拍攝，Jay見到之後不禁高呼：「好閃呀！」
佢今次呢首新歌係一首Sweet爆嘅情歌，佢講道：「當搵到一個肯同你渡過今世嘅另一半時，係一件好幸福嘅事，因為可以互相照顧、鼓勵同倚靠對方。」喺MV中，佢喺飾演婚禮歌手，穿上西裝自彈自唱嘅佢官仔骨骨出場，仲邀請埋好兄弟兼音樂朋友組成嘅樂隊作現場演出。
