曾有「TVB新聞女神」之稱的麥詩敏（Gloria），效力TVB八年，到今年5月答應男友求婚，6月宣布離巢TVB，回復自由身後她不時大曬婚紗相，準備做個靚新娘之餘，近日更連環拍片，大揭以往在TVB新聞部工作時的秘聞！
麥詩敏在最新一段爆料片中，指在離開TVB後有好多人問她：「新聞主播出鏡服裝係咪公司提供？」而她的答案是有兩個選擇：「1.可以借衫，2.自己買。」
麥詩敏首先講到主播出鏡時所著的服裝，好多時要因應節日或當日所報的新聞而選擇，例如大時大節就要著到紅噹噹或大紅大紫，報道死人塌樓之類的新聞時，就要著素色衫。
而講到在公司借衫，麥詩敏就大爆曾遇上過恐怖經歷，她憶述：「以前公司好好，會提供衫畀我哋借，好多時都會借到啲靚衫，有時仲借到大牌子都唔錯。不過有時都會遇到啲唔靚嘅衫，例如款式唔好或者Size唔啱，又試過著完個身痕痕哋，或者有陣臭狐味！
麥詩敏又透露做主播八年，買落不少出鏡的私伙衫，她笑言效果不俗：「屋企人知我多衫，都特登整多個衣櫃畀我，仲有個walk in嘅衣帽間。不過由於我個人比較Cheap嘅關係，一係淘寶一係深水埗，有啲19蚊、15蚊，有啲貴啲40蚊、50蚊，著出嚟過鏡都唔錯。」
網民紛紛大讚麥詩敏貼地又真實：「講得好貼地又無架子」、「好真實，好貼地，好可愛」、「一係淘寶一係深水埗，夠true」、「好盞鬼又幽默」、「鍾意你好誠實」等，亦有網民錯重點，直指麥詩敏離巢後樣貌大不同，竟撞樣裕美：「以為係裕美轉行做主播」、「咁似林作女朋友」、「同之前出鏡報新聞個樣差咁遠」等。
文章版權為新傳媒集團所擁有，原文請按： 网页链接
