台灣藝人陳建州（黑人）是非纏身，自捲「#MeToo」性侵案後，雖然主動提出暫停職籃PLG聯盟執行長職務，不過對於籃球嘅熱情就絲毫未減，日前去韓國睇比賽嘅佢，竟然喺飛機巧遇舊愛大S嘅現任老公具俊曄！
自從捲入「台灣MeToo」性侵案後，社交生活持續低調嘅黑人，日前就罕有咁喺社交網晒出搭飛機去韓國睇比賽嘅影片外，飛機上竟然巧遇舊愛大S嘅老公具俊曄，只見緣分匪淺嘅2人，望落絲毫未有尷尬外，仲笑容滿臉咁合照。事實上，當年大S同黑人分手後，2人都仲係維持好友關係，甚至喺同范瑋琪仲未拍拖前，大S仲有幫手出謀獻計，感情相當深厚。
