38歲中德混血兒傅嘉莉（Kelly）入行20年終於有好角色！近日她在無綫播出的劇集《香港人在北京》中，傅嘉莉神還原《食神》莫文蔚的火雞姐的一幕勁似莫文蔚，演技更獲觀眾認同，力捧她成為女配角大熱！
傅嘉莉受訪時笑稱，入行前做模特兒嗰陣，已有好多人話佢似莫文蔚，當日好多人搵佢影相，傅嘉莉爆棚假牙有啲鬆怕講嘢唔小心飛出嚟！Kelly笑言： 「冇諗過拍劇可以扮佢（莫文蔚）其中一個經典角色，拍攝時我覺得好似樣，戴埋假牙之後直頭係火雞姐，見到還原度咁高，我自己都好開心！」
「火雞姐」在內地及香港引起很大迴響，網友大讚劇情既搞笑又感動，紛紛表示：「堅有喜感、內心戲到位，今年女配大熱」、「傅嘉莉嗰場戲真係好感動！」、「傅嘉莉演得好好，值得讚賞，繼續努力呀」、「做兄弟嘅，唔駛講嘢」呢吓似到呢，希望Kelly今年可以攞返個獎」
傅嘉莉今次在《香港人在北京》是一位暗戀洪永城的癡心女子，平時不修邊幅，男仔頭外形，刻意收起性感，和過往演出好唔同。
傅嘉莉一直以來機會不斷，今年劇接劇先同鄭則仕合作拍攝《神耆小子》，近日（25日）又現身深圳出席無綫新劇《法證先鋒6倖存者的救贖》開鏡拜神儀式。
提到該場戲要戴著假哨牙講對白，Kelly坦言一點都不簡單：「個假牙只係Halloween嘅道具，好闊同好大，所以好難戴，後尾諗到擺啲Blu Tack入去黐住原本啲牙，同埋盡量飲少啲水減少口水，怕一講對白會甩出嚟搞到NG。」
講到今次搣甩女神光環化身男仔頭，Kelly笑言：「好開心監製畀咗呢個角色我，Funny係打破咗我以往角色嘅框框，我完全唔介意演男仔頭，愈唔似我我就愈開心！身為演員就要貢獻身體畀個角色，所以變成點樣都冇所謂。」
文章版權為新傳媒集團所擁有，原文請按： 网页链接
