前港姐冠軍林鈺洧早前被指與陳楨怡、譚嘉儀出席富豪飯局，指出3人為工作和發展機會在飯局中落力施展冧功冧富豪。不過當事人一一否認，而林鈺洧於今日（12日）出席時裝活動回應時，強烈否認，更話：「如果係去識男朋友，我著到今日咁啦」！
林鈺洧現身西九文化戲曲中心出席時裝騷活動，就事件接受傳媒訪問時就透露，新聞一出已經即時主動與公司溝通，而公司亦對事件有了解，知道事實的真相，而林鈺洧更表示已經在社交網作出過長文回應，亦不想再為不實的報導作回應。她更表示：「我諗我會少啲再出去食飯，因為我唔想再食肥自己。」
林鈺洧更表示不知道飯局裡面的人的背景，她透露：「當日係幫Dorian（何國鉦）做完司儀，有個朋友叫我過去食飯，話陳楨怡、譚嘉儀都去，去到先知有咁多人，亦冇攞到任何人嘅contract。」何國鉦更在旁邊笑說：「如果真係去飯局，佢都唔會著到咁烏歪啦。」林鈺洧都笑說：「如果係去識男朋友，我著到今日咁啦。」
對於有報導指林鈺洧為「搲Job」尋求更多機會而不惜施展冧功落力氹老闆，林鈺洧就表示：「其實尋求工作機會呢，我就會向我身邊嘅經理人尋求，尋出面啲人係冇用嘅。」她繼而再表示會繼續再識新的朋友，亦會照常參與正常社交活動，但並不是為了尋求工作機會。而提及事件疑似有人放料給傳媒去影相，她表示：「你覺得係咪係，你話返畀我知，我諗你知嘅，我都想知道個真相。」而被問到有否曾被「問價」，她透露：「有呀，問Job價囉，咁所以我就會叫佢搵我經理人。」再被追問有否曾被開價「包養」，她稱沒有此事。
文章版權為新傳媒集團所擁有，原文請按： 网页链接
