無綫藝人陳曉華(Hera)剛剛為新劇《死有對証》拍攝完畢，隨即便要到內地橫店為新劇《巾幗梟雄之懸崖》拍攝的她，於《死》劇煞科戲完結時，於現場逐一問合作藝人會不會掛住她，當她問馬貫東時，馬貫東謂：「唔會！你都知自己嘈呢！成日捉住喺度講『聽我講對白呀！聽我講對白呀！」而阮浩棕被她問時，想了一想才答：「唔會！」Hera居然夾硬謂：「諗即係講大話！得㗎嘞！明嘞！」令阮浩棕一臉無奈。向來搞笑的韋家雄則謂：「會呀！我買咗衣架㗎嘞！（點解呀？）我掛住你嘛！」而吳若希就最識做，最夠朋友，她擺晒心心手勢謂：「超掛住你！陳曉華I LOVE YOU！」
無綫藝人陳曉華(Hera)剛剛為新劇《死有對証》…
