2018年落選港姐李芷晴（Stephanie）自2020年加入《愛回家》，飾演接龍集團女神Elaine，仲同Andy成為一對「美女與野獸」CP，成功入屋，今年6月她開始加入「尋寶圖」，正當網民以為她會有愈來愈多戲份時，近日卻驚訝發現她在尋寶圖的座位竟變成「吉位」，Elaine突然「被消失」，引來網民諸多猜測！
有網民發現最近《愛回家》Elaine雖然已加入尋寶圖，但近日在尋寶圖辦公室畫面中，其座位都變成了「吉位」，令網民都好擔心她忽然「被消失」的原因，是又被調去哈爾濱，還是因為今年8月睇完姜濤演唱會後，被罰踢出《愛回家》？
李芷晴接受傳媒訪問時，直認已暫停了《愛回家》的拍攝，但就強調冇離開《愛回家》劇組，亦冇被調去哈爾濱，暫時「離家」只是因為8月時開拍了另一套新劇，接下來還要去內地拍攝該劇的外景部份，預計要到聖誕節前才拍完，到時就可以立即「回家」。之後李芷晴更於社交網出po，親自向網民解釋： 「其實我係去咗開另一套劇，好快返嚟㗎啦，大家要等我！」
文章版權為新傳媒集團所擁有，原文請按： 网页链接
