現年41歲的黃翠如（Priscilla）出道至今憑住鄰家女孩的性格和超強童顏被封作「翠如BB」，由主持搖身一變成為當家花旦的她，近年卻被外貌變得愈來愈精緻，引起外界猜疑有加工之嫌，不過對此她都曾經一一否認，直到她日前出席公開活動，再一次因為升級的美貌引起外界關注……
黃翠如日前以深藍色露肩長裙出席活動，從她在Instagram分享的照片中所見，41歲的她狀態極佳氣息甚好，不但擁有少女般的零毛孔皮膚，連蘋果肌、額頭亦相當飽滿，下巴亦顯得非常尖。
黃翠如於1999年曾以17歲之齡接受香港電台《鏗鏘集》訪問，當時的她明顯有嬰兒肥，雖然已經是個小美人，但五官較為扁塌，雙眼亦沒有現時深邃。在2014年，33歲的黃翠如亦曾分享自己一張黑白的童年照，更感觸表示：「不知不覺間，我們長大了，成長，讓我們有點慌，讓我們一方面留戀幼稚卻又要裝出成熟，讓我們要學會選擇同時面對後果。在還未跟上時間時，我們長大了，原來，成長是這樣一回事。」
黃翠如擔任有線娛樂新聞台主播時期，雖然同樣有嬰兒肥，但擁有強勁的膠原蛋白，散發住青春可人的魅力。直到2007年，她轉戰有線節目組與蘇民峰拍攝旅遊節目《40日峰狂嘆世界》，相隔4年，輪廓變得愈來愈立體，逐漸變成瓜子面。
黃翠如由有線電視轉投TVB初時，仍然有包包面，但五官看起來亦非常自然，直到開始接劇之後，年過30歲她開始輪廓變得愈來愈開始鮮明，正式開展女神之路，更被網民封為「翠如BB」，然而當時的她眼肚眼紋已經很明顯。黃翠如和老公蕭正楠結婚之後婚姻生活甜蜜美滿，賺錢能力亦隨之爆升成為搶手貨，為咗唔失禮客戶，2人容貌亦再進化。有眼利網民發現夫妻同時臉形五官再進化，逆齡生長容光煥發！本身係女神 BB的翠如，更是蘋果肌激凸，鼻樑筆挺兼驚見蝦餃下巴， BB女神變鬼妹女神，身旁的蕭正楠亦回春有法，昔日闊面形緊緻提 升，由老蕭變嫩蕭，婦靚夫隨，夫妻齊齊重手執靚吸客！
老婆愈變愈索， 42歲的蕭正楠當然要跟住學，夫妻同心其利斷金，兩人疫情前逆市成為廣告客戶搶手貨，除咗單拖演出及拍廣告，合體賺錢工作亦愈來愈多。知情者爆料指：「其實阿蕭同翠如從來都唔介意一齊做嘢搵錢，結婚之後，就更加啱價就接，咁夫妻檔市場層面好闊，佢哋真 係多咗好多嘢做，為咗令客戶滿意，佢哋都好落力執靚樣吸客，唔敢再求求其其，以前阿蕭唔著重打扮，牛記笠記好隨便就出街，但家陣要保住形象，翠如都捉埋老公一齊扮靚！呢排都見阿蕭成個後生晒！」 蕭生蕭太咁有市場，當然緊張執靚樣把握時機賺定多啲奶粉錢啦！夫妻回春有法，生B應該冇難度！
文章版權為新傳媒集團所擁有，原文請按： 网页链接
