台灣前「黑澀會」成員周宜霈（大牙）早前指控11年前遭前老闆陳建州（黑人）硬闖房間性騷擾，黑人事後提告索償1,000萬新台幣（約253萬港元），及後更從民事改為刑事起訴，並強調希望透過法律捍衞自身清白外，更主動申請暫停職籃PLG聯盟執行長職務。
而隨着#Me too風波過去2個月，黑人亦疑似為復出試水溫，先係現身王力宏演唱會應援外，日前又替PLG熱身做賽前宣傳，可惜台灣網友唔賣帳之餘，仲係黑人社交網再度瘋狂留言：「大牙加油！」甚至仲有網友鬧道：「隔了那麼久（#Me Too），第一篇竟先裝傻！」難怪網友唔賣帳！
事實上，從籃球界轉戰娛樂圈嘅黑人，曾主持過唔少台灣長青綜藝節目，人脈甚廣嘅佢亦有着「娛樂圈伯樂」嘅美名，可惜黑人雖然人緣好，不過是非同樣多籮籮，從公益捐款到用非法機頂盒睇「盜播」奧運等。
