無綫藝人江嘉敏一個月後會為苗圃行動挑戰12小時跑山42公里活動，一直備戰的她面對人生第一個馬拉松，絕對不敢鬆懈，昨日她於社交網PO出練跑時的相片，一身貼身背心的她明顯再比之前清減，身材FIT到漏，就連個樣都SHARP醒不少。
她接受東網獨家訪問時謂:「因為之前唔係打風就落雨，所以呢排要再勤力啲，依家都有Keep住練跑同打波練氣，波友都話我體能好咗好多，以前追波會喘氣，依家可以打完整場波先抖，因為跑山同平地跑好唔同，我上網睇過，頭段跑都係斜坡嚟，所以都緊張，自己會盡力而為。」嘉敏又指當日要由凌晨6時跑到入黑前，身邊不少跑友之前都指之前落完雨，地下相當跣，亦曾有人撻親，甚有難度，她謂:「其實近排我都有食番飯，要有番啲力，所以已經有番啲肉，肌肉都增加了。」
