女星張栢芝小休復工後，繼續頻撲開工，最近佢就被發現現身飛機，網友見到即刻影相，只見相中栢芝身穿藍色上衣，扎高馬尾、戴墨鏡，成個人望落十分纖瘦。網民見到素顏嘅張栢芝都在讚索爆，留言：「43歲的張栢芝，臉怎麼一點不鬆弛？骨相真的好優越，緊致，輪廓分明。」Keep得靚靚嘅佢，亦因為輯相而升上熱搜，有逾6,500萬閱讀量，確係有號召力。
另外，張栢芝於2018年投資自家潮牌，翌年更在中環Soho區開潮牌服裝嘅實體店，栢芝成日做生招牌睇舖及直播帶貨，不過品牌官網就正式宣布門市停止營業，只攻網上販賣商品。過去舖頭受疫情影響多次關店、停業，有傳當時每個月虧損6位數，不過栢芝堅持做良心老闆，如常發工資畀員工。
