踏入9月，又係學生開始返學嘅時間，視帝陳展鵬就喺社交網貼文：「暑假後開始返學，本應有時間可以接送，但係佢竟然話想自己坐校巴返學！咁放學呢？佢都係話要坐校巴。呢仲心情我諗爸爸媽媽應該明白，睇住佢每日成長獨立理應開心嘅，尊重佢…尊重佢嘅意思，決定開車，跟住校巴！」原來係前世情人小豬脾大個女唔再要廿四孝老竇接送，真係睇字都感覺到展鵬內心嗰浸酸味呀。
網民就紛紛留言言畀呢個心酸老竇笑死：「暖男爸爸巧搞笑！跟校巴」、「揸住車跟車」，亦有網民提議佢生多個，至於展鵬老婆單文柔就留言：「佢第時去約會你會扮偶遇？」網民就跟隊回覆：「然後因為畀人拎簽名同合照而跟甩咗」，亦有網民話佢一定係一個呷醋外父，認真搞笑。
