藝人周嘉洛今日（25日）現身寵物展宣傳劇集《寵愛Pet Pet》，對於劇集今晚（25日）大結局，他表示感到不捨、緊張及期待，提到結局中他跟林夏薇的一場咀嘴戲，拍到導演嗌Cut也不知，他解釋：「因為我哋企咗喺海中間條橋，同企喺岸邊嘅攝影組有一段距離，加上有航拍，所以唔敢停。其實當日又熱又曬，唔係拍出嚟咁浪漫，拍得好辛苦，我曬到黑晒，黑到連唔到戲，連個唇都黑埋，個妝又係我自己化，我啲粉底唔啱色，要買過啲新。」
講到劇集收視一般，未能破20點，他稱不會失望：「我哋套劇口碑好，有睇過嘅人都會讚，好少人睇完話唔好睇，呢樣緊要過收視。」而嘉洛本人亦養有一頭愛犬，但不考慮多養一隻：「照顧都辛苦，要處理佢嘅屎尿同飲食，我唔係成日喺屋企，都會擔心佢。好在佢唔係好鍾意落街，佢好驚青，又驚人又驚狗，不過都係因為我太少帶佢落街。」
