歌手何雁詩上年為老公鄭俊弘誕下兒子Asher，休息一後時間之後，回歸樂壇，最近仲簽咗新公司，親自創作同監製新歌。事業心重嘅佢自爆產後曾受賀爾蒙影響，而情緒陷焦慮，會冇啦啦突然爆喊，好在調理身體後，情況就有好轉。佢日前於社交網大晒多張生活照，分享職場媽媽點樣平衡工作、家庭、愛情同朋友，佢仲呻冇晒私人時間，同生B後冇得同老公二人世界，留言：「該怎麼拿平衡？老實說我也不知道，私人時間跟工作有時候混在一起，餘下時間留給寶寶，最近連拍拖時間也沒了，到放假時候，我就生病了，大熱天時着涼，吃了藥整天待在床上，謝謝您們，包容我！」
而喺近照中，睇到依家1歲大嘅兒子Asher愈大愈似媽咪，有又大又圓嘅大眼睛，雙眼皮深邃，十足同媽媽餅印一樣，而鄭俊弘仲好肉緊咁錫囝囝面珠，嚇到囝囝好驚咁皺眉擘大個口，認真搞笑！
