今年28歲的江嘉敏去年與拍拖3年的電競公司高層分手後，近日頻頻於IG放閃，大曬自己日日收花，又手持貴價名牌手袋，令不少網民都懷疑她是否有新戀情。近日有報道大爆原來江嘉敏秘密撻著一名富貴醫生新歡，有指男方更曾經與阮嘉敏有過一段情！
江嘉敏自從與電競公司高層分手之後，從今年年頭開始就頻頻於IG大曬收花相。雖然外界都猜測她是否有新戀情，但她每次都澄清指只是粉絲會所送的禮物，多次否認有新戀情。不過近日江嘉敏就愈玩愈高調，更於IG大曬收到99朵玫瑰花，相中笑容甜到漏，並留言寫道：「買花給你的人，本身比花更浪漫。一星期送一紮花，寵壞咗我，而家條Curve拉到咁高點算好？」。雖然江嘉敏今次依然話係粉絲所送的禮物，但就有傳媒大爆今次江嘉敏確實成功脫單，新對象更為醫學美容集團創辦人兼家庭醫生陳正寧。
緋聞一傳出，江嘉敏罕有在社交平台開PO回應新戀情，更大方承認已經踏入同居階段：「個個都關心我係咪有新戀情，好啦，我而家公布一個喜訊俾大家知！我拍拖喇，仲發展到同居階段添！」不過，原來江嘉敏所指的同居對象是新養的貓咪Mochi，搞到網民都好失望！
江嘉敏自從分手之後，今年年頭起一直在IG大曬收花圖，幾乎每隔一排就上傳新「放閃」照。有網民亦發現江嘉敏最近忽然富貴，不斷大曬多個貴價名牌手袋，包括價值近7萬的Hermès Roulis 23和約4萬多港幣的Chanel手袋！
雖然有新戀情滋潤，但曾經係好姐妹的馮盈盈就竟然係節目大叫「我最憎江嘉敏」！馮盈盈早前在無綫節目《真係唔好笑》入面與眾人玩估口形遊戲，輪到馮盈盈的時候，明明提示語為「我最憎放假問我返唔返工」，但馮盈盈卻不停「自抽」大嗌：「我最憎江嘉敏。」身旁的嘉賓們都笑言：「原來娛樂圈嘅傳聞係真嘅」，仲叫馮盈盈唔好再講「真話」。
文章版權為新傳媒集團所擁有，原文請按： 网页链接
