拿督千金莊思敏雖然最近投資失利，被網民嘲為「燈神」，不過出身富裕嘅佢，其家族估計坐擁8億身家，所以平時都不時喺社交網炫富，經常返內地開工嘅佢，早前透露喺杭州買咗新屋，仲拍片帶大家佢間複式豪宅添！
睇見屋苑內環境清幽，佢新屋室內設計以現代簡約風為主，一入門口有成面牆嘅大鞋櫃，巨型客廳加上落地玻璃窗景觀開揚，飯廳就擺咗張可坐長方形飯枱同雲石吧枱，廚房就以開放式設計，而佢最鍾意就新屋仲有個戶外花園，花園內有一大片草地，有一整排大樹作掩護，保護私隱，空間感十足，搵埋一大班老友嚟BBQ都得呀！佢仲透露新屋嘅結構係2層再加1個地下室，價值約2千萬，佢話：「好似好划算呢！」令到網民都好羨慕呀！
