藝人張文慈（Pinky）近日已正式「回歸」香港，將客串演出無綫新劇《死有對証》。雖然只佔戲數天「試水溫」，但她依然準備充足，除日前抽空返將軍澳電視城試造型外，更拍片充當導遊，帶粉絲「打咭暢遊」。對於相隔4年舊地重遊，Pinky直言感覺依然親切﹕「好開心喺化妝間遇番好多同事，特別係化妝師送咗個鎖匙扣俾我，好開心呀﹗」
Pinky今次將與模特兒出身的黃俊豪大演對手戲，造型當日首次見面她已主動集郵，又大讚對方帥氣，相信今次定必合作愉快。談到接下來的工作安排，Pinky表示﹕「其實返咗嚟之後，我已經做咗個商演，同場仲有陶大宇、許秋怡同陳錦鴻呢啲好朋友，咁多人喺埋一齊好熱鬧，而我都係首次現場聽到大宇唱《倒轉地球》，佢嘅表演好精彩，同埋真係好受歡迎。」
