今屆港姐、有「嫩版蔡依林」之稱嘅莊子璇早前是非纏身，被爆愛黐幕後攞着數及於佳麗前擺款，引起眾怒遭群起杯葛變孤獨精，雖然佢戰勝負評繼續有獎攞，不過昨晚凌晨佢就突然入院，疑因壓力爆煲導致皮膚出紅疹，佢拍片記錄手部出疹情況，至清晨5時，佢再分享最新進展，見佢手插喉管，佢透露正留院觀察：「最近嘅壓力原來已經爆發咗喺身上，一直都唔留意，最辛苦嘅原來唔係比賽本身…真係要好好注意健康，遠離壓力。」
港姐監製何小慧回覆東網指莊子璇出疹，並表示由於明天（14日）將舉行港姐泳裝記招，故早在上周五（11日）已叮囑佳麗注意飲食，如今莊子璇不幸出疹已立即求醫，現在要先觀察佢食藥後嘅情況，暫時尚未知道能否出席明天嘅活動。
