2018年憑電影《黃金花》…

2018年憑電影《黃金花》勇奪金像獎影后嘅毛舜筠，日前就趁住MIRROR成員姜濤開騷，帶埋2個女區令山及區亦山一齊追星支持之餘，仲順便享受埋家庭樂。

隨着人氣偶像姜濤開騷，喺社交網上更掀起各種熱話，人氣驚人。而尋日（6日）毛舜筠亦喺社交網晒出一系列男神精彩演出嘅靚相外，仲有帶埋2個女一齊集郵，同姜濤合照，並寫道：「知道你必定為了今次的演唱會下了很大的努力。你的歌聲和舞蹈表演，都給大家帶來震撼和驚喜！非常享受的一個晚上。」不過相信最令毛舜筠開心嘅係標籤個句「#一家人都變成姜糖」。