After Class成員詹天文（Windy）年僅17歲，初初參加《聲夢傳奇》時，曾被指同ViuTV女藝人米露迪似樣，近日她又被指撞樣36歲星夢師姐菊梓喬，但她接受訪問時，就話唔知菊梓喬的43歲緋聞男友吳卓羲係邊個，引來網民熱議！
詹天文（Windy）是星夢旗下公司愛爆音樂的歌手，她近日出席活動時，由於被指「星夢一姐」菊梓喬撞樣，有傳媒就提到菊梓喬的緋聞男友吳卓羲，問Windy鍾意的男仔類型是否也是吳卓羲？Windy竟然答唔知邊個係吳卓羲，話自己由小學開始已經好鍾意男團TFBOYS成員王俊凱，大讚王俊凱高大又靚仔。
這番「而我不知道吳卓羲是誰」言論一出，有網民力撐Windy在06年出世，今年只得17歲，不認識43歲吳卓羲也不出奇，紛紛表示：「隔十年就係隔一代㗎喇」、「唔識好正常，佢年紀都唔係電視一代」、「吳卓羲都做得佢爸爸，唔識有咩出奇」、「今次真係別怪她」等等。
有網民就重提Windy曾說不認識李克勤事件，認為Windy太不尊重前輩：「佢都好冇禮貌喎」、「冷靜又斯文嗰個男人都唔識」、「而我不知道詹天文是誰」、「呢個詹小姐經常都話唔識啲前輩，真係巴閉」、「佢應該係選擇性識人」、「其實佢唔講冇問題，佢咁講覺得佢好假」等等。
參加《聲夢傳奇》期間，Windy曾提到首次會見導師李克勤時，不認得對方是誰：「當李生行入嚟嗰一刻，我問GiGi（炎明熹）：『佢係邊個嚟㗎？』我真係唔識佢，當佢自我介紹完之後，我先知呢個人係邊個。」
文章版權為新傳媒集團所擁有，原文請按： 网页链接
