馬來西亞華裔女星楊紫瓊（Michelle）憑《奇異女俠玩救宇宙》（Everything Everywhere All at Once）《奧斯卡金像獎》首名亞裔影后，原來佢同相差17歲、法國富豪男友Jean Todt終於低調成婚，結束19年愛情長跑！有指二人已於7月27日在瑞士成婚，親朋友好友也都到場祝福。
一級方程式賽車手馬沙（Felipe Massa）於社交網上載楊紫瓊與Jean嘅喜帖，二人自爆於2004年6月4日於上海相識，1個半月後Jean Todt就求婚成功，依家終於都可以履行神聖婚事，更已經喺尋日（27日）於瑞士日內瓦完成婚禮，可喜可賀！馬沙同時亦晒出大批婚禮上嘅合照，見楊紫瓊結婚仍不忘帶埋奧斯卡獎座去到現場見證，並以貼身白裙當婚紗，低調亦見韻味，又同Jean攬到實合照，明艷照人。
目前為止，楊紫瓊、Jean Todt仍未於社群平台正式分享喜訊，但粉絲已經紛紛獻上祝福。
