吳岱融與鍾淑慧結婚28年，婚後誕下兒子吳政樺（Justin），近年鍾淑慧索性做跟得老婆，陪吳岱融四處開工，生活認真悠閒。最近有香港網民到訪馬來西亞一間食店，而餐單中更驚見吳岱融及妻子鍾淑慧夫妻檔合體做生招牌，原來該食店是由吳岱融與朋友合資開設的。
吳岱融今日（27日）接受《香港01》訪問時分享喜訊：「的確喺馬來西亞開咗餐廳，目前新店大概開咗半年左右，算係連鎖式，暫時嚟講都有四間。」提到開店機緣，他就指是吉隆坡的朋友提議的，不過同老婆算是少部份的投資。
他又指合夥人都有接受菜式方面的建議，合作很愉快，並表示：「叻哥同明星足球隊班朋友都有嚟過！」至於被問到有沒有計劃進軍香港再開分店，他則回應有這樣的可能，但詳細計劃還未確定！菜單可見，菜式全部都是當地最熱門推介的餸菜，十分地道，款式多籮籮，一個飯先二三十蚊港紙，價錢相當親民！
