本月剛踏入41歲的孫慧雪，雖然在陀第2胎BB期間，因為本身患有腺肌症和腺肌瘤，而負擔勁重，不但又暈又嘔及有出血症狀，更要每晚打安胎針保胎，但在辛苦懷胎十月後，BB終於平安出世，孫慧雪昨晚（7月26日）就在社交網開心分享：「細佬出來了！」
孫慧雪日前曾透露卸貨在即，BB已去到8磅幾，她的肚圍亦去到45吋，體重去到165磅！到現在BB終於出世，孫慧雪在社交網開心曬相，只見B仔身形果然超巨大，面珠紅潤而且脹卜卜，孫慧雪仲舉起BB腳仔影相，網民即發現細佬腳底有個A字，十分可愛！
孫慧雪一公開B仔靚相，即引來過萬網民派Like，一眾圈中好友亦紛紛留言恭賀孫慧雪，在《愛·回家之開心速遞》同孫慧雪多次合作的KC歐瑞偉，亦留言指：「恭喜，恭喜，終於見到羅蜜歐了！」孫慧雪老公名叫羅天彥，6歲大仔英文名叫Riley，唔知細仔係咪真係起名叫羅蜜歐，定係英文名會叫Romeo？
文章版權為新傳媒集團所擁有，原文請按： 网页链接
