無綫藝人何依婷日前到法國旅遊兩個星期，期間自駕到當地酒莊，不停試酒的她最終喝醉。她接受東網訪問時被問到酒量是否向來不佳時，她謂：「因為難得去到梗係試多幾間唔同嘅酒莊啦！上午一間、下午再試第二間已經好CHUR，參觀期間人哋釀酒又要試，每次要試6款唔同嘅酒，真係搞唔掂。（飲醉會點？）我好悶㗎！飲醉就唔出聲，然後瞓覺。」問到是否跟男朋友去時，她笑言：「朋友唔係男就係女㗎啦！（咁有冇艷遇？）冇喎！我鍾意香港男仔多啲，法國人唔啱我，豈碼來自同一個地方大家都溝通到，生活習慣都相近啲嘛！」
昨日，依婷到西貢打高爾夫球，大晒白滑美腿的她指搽了130度防曬，每小時搽一次，所以沒有曬黑到，她更笑言：「我覺得防曬用品公司絕對要搵我做代言啦！」原來依婷大學時都曾經學過打高爾夫球，近半年再學番呢！
