「大美人」李嘉欣（Michele）同富商老公許晉亨同仔仔許建彤（Jayden）一齊「放暑期」歐遊，一家三口今次就去到奧地利維也納出巡，佢亦喺社交網晒出多張同老公嘅煙韌合照，Michele晒腰出巡索爆四方，長腿更係令人目不暇給，即使佢淨係晒出二人Sweet相，僅晒出同仔仔手拖手嘅背面相，不過有網友就咁啱偶遇到佢哋去到維也納著名金色大廳聽音樂會。
只見佢着上藍色牛仔裙，頭上架上墨鏡，化上淡妝，但保養得宜力保「大美人」之位，網民都紛紛留言激讚：「50多歲，這樣的狀態，美絕了」、「側顏好絕」、「這種生圖已經很能打了」、「她真的靚爆炸，同樣見過真人，真係好靚」、「她側臉好立體」。
