臨近DSE放榜日子，YouTube頻道《試當真》拍攝一連串有關升學放榜系列的短片。最新一集就邀請到10優狀元出身的麥明詩做嘉賓，訪問她一路以來的心路歷程。不少網民看完麥明詩分享後，大讚她談吐得體，更稱她為「近十年最好嘅港姐代表」！
麥明詩當年在香港中學會考高中狀元，在接受傳媒訪問時曾表示目標是當香港特首。時隔多年，麥明詩親自解釋當年相關發言的來龍去脈：「我成日都要出嚟澄清，當年有一個好不幸嘅新聞，聲稱我好想做特首。但係09年環境同宜家都好唔一樣，我就不嬲都比較關注社會民生嘅事情。嗰陣就有記者打嚟：『你有冇諗過做特首啊？』，我就話『真係冇諗過喎，我應該勝任唔到喎』，記者就『如果真係叫你做呢？』，我就話『如果你真係叫我做，我都可以做吓嘅。第二日出嚟嘅報道就非常精彩喇。」
當被問到升學期間有沒有一刻曾經感到迷失時，麥明詩坦言人生一直感到迷失，一直不知道什麼才是足夠：「迷失嗰一刻又未必係公開試嗰刻嘅，反而係唔知道咩叫先『夠』。我喺學校攞到最好成績，我就會覺得我係唔係未夠呢；到我考完嗰成績之後，我又去考咗一個世界比較頂尖嘅學校，咁係唔係就係夠呢；Even到我選咗港姐，咁都應該好夠啦，但又會發覺人地係到做女一，人地收視又35點喎，咁究竟我咁樣嘅一個追逐嘅過程，係為咗一個乜嘢嘅End Point呢？」
麥明詩在訪問中亦鼓勵應屆生有先定下個人目標，分析到底是想要一張大學畢業證明書，還是想從大學的學習過程中吸收知識。麥明詩認為晉升大學不代表能夠解決自己的缺點，反而需要靠自己的努力去把自己的弱點提升：「建議去諗清楚長遠有啲咩目標，而宜家又係有咩欠缺嘅能力，然後就去補番嗰啲技能。喺你決定嘅時候，你要有一個中心思想，究竟你係達到啲乜嘢，或者呢樣嘢係可以點樣提升你嘅能力，而呢幾樣嘢到最後要係點可以相得益彰。」
麥明詩自從退出幕前，轉行到全球數一數二的顧問公司McKinsey做國際商業顧問後，一直少有接幕前演出。今次之所以會罕有接受訪問，麥明詩表示除了本身非常欣賞許賢之外，亦希望能夠透過自己的分享，給予應屆考生多一個參考： 而家好少接幕前演出(廣告除外)，因為想儘量專心工作 但當我收到許賢嘅邀請，我都好想參與，因為真係好欣賞佢好鍾意佢嘅怕醜同埋聽落去好低能但其實又好有智慧嘅說話，而且題材好有意思
網民看完今次麥明詩於《試真當》的訪問之後，紛紛大讚麥明詩談吐得體，更有網民稱她為「近十年最好的港姐代表」： 「真心，mak明詩個見解 同一般人好唔同。唔係因為佢拿到10a講先岩聽，而係佢講得好條理分明，好清晰，特別係租借嘅快樂，真係有返d年紀先明佢講乜」 「麥明詩真係近10年最好嘅港姐代表，proud of 香港出到一個咁有知識 智慧 又humble嘅人」 「麥明詩真係勁，細細個已經睇透晒個遊戲玩法。努力前了解自己 又認清目標。唔怪得知各方面都有一定既成功成就」 「MMC講野真係好得體，以佢資歷其實真係好易唔小心串親在座咁多位，但佢仍然可以不亢不卑咁傳達自己嘅諗法」
文章版權為新傳媒集團所擁有，原文請按： 网页链接
