由莫樹錦醫生聯同3位女神李佳芯（Ali）、何沛珈及梁超怡任主持的TVB健康資訊節目《身體最誠實》，在今晚（7月10日）播出的第7集的「Ali Says」內，女神Ali分享剛做演員時跟資深舞台劇演員甄詠蓓老師學戲經歷。
Ali透露，戲劇課以玩遊戲為主，當時其中一個遊戲是貓捉老鼠，她說：「因為我好唔想畀人捉到，所以係咁搵求生路線，甚至乎匿喺牆角或者人群之中。」惟上了6個星期課後，甄詠蓓給Ali的評語是：「呢6堂裏面一直唔喺度，係一個旁觀者」
被導師如此評價的Ali坦言耿耿於懷：「我已經好畀心機做每一樣嘢，點解會畀呢個評語我呢？」直到後來演出機會變多，Ali才慢慢明白甄詠蓓的「苦心」，她說：「當時嘅我只係專注唔想畀人捉到，我根本就係群體之外，冇打開心窗同人互動，名副其實只係一個旁觀者。」
Ali續指，因而開竅：「後來我嘗試同世界接軌，投入角色用心去同對手互動，因為我唔要再做旁觀者！」何沛珈是集會落區訪問OL，探討孭手袋引致的肩痛問題，又會孖住梁超怡請教運動治療師紓緩方法。
另外，明晚（7月11）播出的《身體最誠實》第8集內，李佳芯於「Ali Says」分享工作與生活平衡的重要性，並自揭拍攝劇集《與諜同謀》時，曾因角色太過悲情而未能抽離。
Ali說：「嗰時覺得自己好似患咗抑鬱咁，每日都淨係想匿喺屋企唔想見人，到咗夜晚又會失眠瞓唔着，直至去到下一套劇，先至可以走番出嚟！」
