歌手連詩雅（Shiga）今年4月同陳家樂結婚升做人妻，最近準備重新投入工作，於社交網宣布將於9月到順德舉行巡唱，不過就即起軒然大波，因為佢竟然將去順德開騷，寫成「出國表演」，即觸怒內地網民，紛紛留言鬧爆佢！
有粉絲就幫佢護航：「詩雅之前去了馬來西亞演出，應該是直接複製了上次的文案，加上她是日本國籍，我相信她本人的立場是沒有問題的，不然也不能通過審批到大灣區巡演。」而佢嘅經理人公司亦發聲明道歉，指呢個Post係由一位新同事喺未經藝人及公司同意而代為發放，而發現錯處後已立即糾正，而該新同事已經即時被解僱。」而Shiga亦有轉發聲明並同各位道歉呀！
